Roald Helgheims omtale av A Novel Approach i Dagsavisen 27.06.2011

Sandvikas store band

A Novel Approach Sandvika StorbandMed ein av Mathias Eicks finaste songar – «Biermann» – opnar Sandvika Storband med Eick sjølv som solist, på det ellevte albumet til det tradisjonsrike bandet som rundar førti. Eit band oppstått der landets leiande storbandfestival heldt hus, og med base på Musikkflekken. I bandet var unge Øyvind Brække andretrombonist, og han er både arrangør og gjestesolist på det sterke jubileumsalbumet. Soga starta for fem år sidan då Brække arrangerte musikk av Mathias Eick for bandet, i 2009 utvida med gitaristen Jacob Young både som solist og komponist, med påfølgjande turné. Med krumtapp og mangeårig tidlegare leadtrompetist Frank Brodahl som produsent, er resultatet bandets beste album så langt. Mathias Eicks «Biermann» – inspirert av Biermanngården i grannelaget hans – er ei sterk og kraftfull opning. Det følgjer opp med låtar både frå Youngs album «Glow», frå dei to ECM-albuma han spela inn med Eick i bandet, og frå Eicks ECM-debut «The Door», attåt «Biermann» frå det siste. Mange av songane vil fanklubben kjenne att – ikkje minst Youngs «Mr Cosmopolitan» og «Near South» – alt strålande arrangert av trombonisten som har rykka fram i tet som etterspurd musikar på hornet han kan best. Nokre av bandets 17 faste står også fram som dugande solistar, og det nyskapande albumet «A Novel Approach» toppar verket til eit band som har vakse med oppgåvene. Storbandjazzen lever vidare også i Sandvika.

 

A Novel Approach featuring Mathias Eick jacob Young Øyvind Brække

Live at Bærum Kulturhus

Lining UP

Smuget

Contemporary Music for Big Band

Come Rain or Come Shine

Big Band Bridge

Litani at Atlanta

Sister You aint had the Blues

Oslo Konserthus